旅遊達人周奕瑋Jarvis今次衝出日本，嚟到韓國同大家介紹最新最潮旅遊景點、美食、酒店等。第一集就介紹一下全韓國最頂級嘅宮廷式設計韓屋酒店《慶源齋》，早排熱爆韓劇《鬼怪》都係度取景。然後會講下好多韓星都會去飲野嘅「SkyKingdom」，仲有弘大新開嘅「VR體驗館」！

今集Jarvis會化身Running Man，挑戰一下節目裏面嘅遊戲，睇下係咪真係咁難玩。之後會去到明洞人氣麵包店，試食新鮮出爐麵包～

嚟到第三集，又係食食食食食嘅時候喇！Jarvis會先去到弘大附近嘅「麻浦水產市場」，品嚐新鮮皇帝蟹同其他海鮮，試食不同種類泡菜。然後去到「馬場洞」韓牛一條街，食燒韓牛，呢度嘅價錢係明洞餐廳七至八折架！最後仲到「孔德傳統市場」食韓國人宵夜三寶其中嘅豬手同煎餅～

今集Jarvis會體驗一間景色靚絕江源道嘅酒店～Sun Cruise Resort & Yacht～New Wing！除咗係郵輪造型，酒店環境同房間配置先係重點呀！然後Jarvis會化身「山系男孩」，來一趟江原道行山之旅，去到打卡熱點～韓國最高、最長嘅「小金山懸索吊橋」。最後會介紹一下韓國版Blue Train～Haerang豪華觀光列車。咁精彩嘅內容，又點可以錯過～

Jarvis首先會去到京畿道利川市Space Tower Aero Bar空中Cafe嘆番杯「堅離地咖啡」，呢杯咖啡真係有少少謂高都飲唔到，但係個景又實在靚到呢.... 之後順便走到隔離嘅「宇宙星光花園」打卡。仲會去L'aterlier美術館，睇一個非一般嘅畫展，進入梵高既世界~

Jarvis周奕瑋繼續衝出日本，第二輯嘅周遊韓國，會帶大家去到束草、三陟、洪川、楊州等地方介紹最新旅遊資訊。啲地方名係咪聽都未聽過呢？原來除咗首爾，韓國仲有好多好玩嘅地方！就等Jarvis逐一同大家介紹啦～ 第一集，會去到束草永郎湖坐Storybike、阿爸村拉船、束草觀光水產市場食好西，同埋探下韓國國家代表蟹～螳臂蟹！

今集Jarvis嚟到有「韓國拿坡里」之稱嘅江原道三陟，介紹一間充滿希臘風情，又有溫泉水上樂園、傳充韓式風呂，仲要間間房都有超靚無敵大海景嘅酒店～Sol Beach Hotel & Resort Samcheok。然後會登上「三陟海上纜車，360全方位感受三陟美景。

今集Jarvis同大家「玩轉洪川」，第一站去到韓國首個羊駝主題動物園，羊駝即係大名鼎鼎嘅草泥馬，真係超可愛呀～ 跟住就同大家介紹一間絕對啱哂一家大細，係勁多娛樂設施嘅「洪川大明渡假村」。有幾多野玩？一齊睇片啦～

返到嚟首爾，Jarvis帶大家嚟到韓版「激安之殿堂」，除咗有平嘢，仲有好多韓版得意產品，一定唔可以錯過！之後Jarvis會做嚟韓國最期待做嘅一件事～「食醬油蟹」！食完再同大家介紹深宵首爾有咩做。嚟緊有計緊去首爾嘅朋友必定要睇睇～